سبتمبر 9, 2018
اخر تعديل : مارس 6, 2019

الشاعر حجاب بن نحيت

الشاعر حجاب بن نحيت
بواسطة : Heba Mohammed
Share

حجاب بن نحيت شاعر ومطرب سعودي ولد بالفوارة غربي القصيم عام (1944)، يعد من أشهر الشعراء السعوديين في شبه الجزيرة العربية. لم يتميز الشاعر حجاب بشعره فقط بل بجمال صوته الذي يستمد أصالته من أصالة البادية ليكون رائد الفن الشعبي في منطقة نجد،  كان شاعر وملحن وعازف للعود.

عُرف بأغانيه الشعبية التي أطربت أجيال بعد جيله وكانت أول أغانيه هي (يا بوي أنا) ثم قرر الاختفاء عن الساحة في عز نجوميته عدة سنوات، ثم عاد للساحة مرة أخرى بشكل مختلف  ليظهر في العديد من الأعمال الاجتماعية.

توفي بن نحيت بعد إصابته بالتهاب رئوي حاد وتم عزله طبيًا في العناية المركزة في إحدى مستشفيات الرياض ، لينتقل بعدها إلى رحمة الله في اغسطس 2018.

قصائد حجاب بن نحيت

الحب كله مشاكل = صرت لا اشرب ولا اكل.
من حبيبٍ احبه =مقبل احدٍ يسبه.
ما تفيد السوالف = غير خلي ما اوالف.
رغبتي في المواصل = مير انا كيف ابا اصل.
ان طلبته يجيني = قال ما اقدر يا عيني.
كيف هالشغل يقنع = يمنعونه وانا امنع.
يالحبيب المترف =انت تقدر تصرف.
الهوى شي فرضا= ماا اتنازل ولا ارضى.
اتركوه بضميره =هو يقرر مصيره.
راضيٍ فعلها بي = رحمتي او عذابي.
من حل المصيبه =عن حبيب وحبيبه.

***

حبيبي يا حبيبي وش بيدنا = زرعنا الزرع لكن ما حصدنا.
و هذي حالة اهل الحب دايم =من اللي قبلنا واللي بعدنا.
الى قالوا استرحنا وانتهينا= حسدهم شخص مثل اللي حسدنا.
وهالحساد ما نقدر نجدهم = وحنا الى بغى الحاسد وجدنا.
فيا ربي تعرقل كل حاسد = او يا رب ما هم في بلدنا.
لأجل الناس يرتاحون منهم= ويسلم منهم الاقصى والادنى.
ويا اهل الحسد يوم انتصرتم = ويوم إنا عن البعض ابتعدنا.
انا ودي اعرف اللي كسبتم= كسبتم لا رقدتوا ما رقدنا.
ولكن يا اهل الحسد اطمئنوا= تعاهدنا وشهدنا وشهدنا.
وكما إنا نبي منكم شهاده =على هذا لأجل ما يخون احدنا.
حبيبي لو تطول ايام بعدك = على طول الزمن يبقى عهدنا.

***

تسلم علي بكفٍ الين من الديباج=يا بخت كفي يوم لمست اياديها.
وتعرض بخدٍ ما بعد لمسه المكياج = عسى الله يسترها وعسى الله يعافيها.
تمايل بجسمٍ ينطوي كنه الكرباج = تذوب القلوب العاشقه من تثنيها.
اجامل معه اضحك وانا داري اني داج= ومحتار بالدعوه اقوله او اخفيها.
اخاف ان شرحت الوضع يحدث معاه ازعاج= علشان هذا ساكتٍ تقل ما ابيها.
علشانها خليت الاعمال والانتاج=وصرت اعمل الاشعار فيها واغنيها.
وحاولت اتعالج ولكن منين اعلاج = وهل للمحبه من اطباءاً تداويها؟.
تداورد على قلبي بشكل افواج= همومٍ تبعدها واخرى تدنيها.
من ابها إلى عرعر لجده إلى الافلاج =ادور الكرى واقول بلكي ألاقيها.