أغسطس 31, 2018
اخر تعديل : مارس 6, 2019

مقتطفات من قصائد صلاح جاهين

مقتطفات من قصائد صلاح جاهين
بواسطة : Heba Mohammed
Share

صلاح جاهين ، هو محمد صلاح الدين بن بهجت بن أحمد حلمي، شاعر ورسام كاريكاتير وممثل مصري،  ولد في القاهرة 25 ديسمبر 1930، وفيها توفي في 21 أبريل 1986 م.
عاش في مصر وزار عددًا من البلاد الأوربية والولايات المتحدة الأمريكية وموسكو. تعلم القراءة والكتابة في بيت أبيه، ثم التحق بمدرسة أسيوط الابتدائية، ثم بمدرسة طنطا الثانوية، فحصل على التوجيهية، ثم بكلية الحقوق في جامعة القاهرة، وكان لانشغاله بالفن والتصوير والشعر أثر في تأخره الدراسي. حصل على عدد من الدورات في الفنون الجميلة بالقاهرة وخلال جولاته في أوربا والولايات المتحدة الأمريكية.

يعدّ صلاح جاهين الصوت المثقف والأقوى شعريًا وفنيًا لحكم ثورة يوليو وما تمثله من مبادئ، فقد حمل هذه المبادئ – كما قيل – شعرًا، وحملها عبدالحليم حافظ صوتًا وغناء، وكان من أبرز أصوات الشعر العامي والزجل بعد بيرم التونسي.
كانت له معاركه الأدبية والفنية مع المخالفين له في العديد من مجالات الإصلاح الاجتماعي والسياسي، فقد أثارت أغانيه ورسومه الكثير من الجدل الثقافي العام في مصر والأقطار العربية. له العديد من الأعمال الشعرية باللهجة المصرية العامية والعديد من المؤلفات في مجالات المسرح، والأوبريت وأدب الرحلات، واشتهرت برباعياته.

مختارات من قصائد صلاح جاهين

(عمري ألف عام)

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !

(نوح راح لحاله)

نوح راح لحاله والطوفان استمر

مركبنا تايهه ولسه مش لاقيه بر

اه م الطوفان واهين عليك يا بر

ازاي تقدر تبان والدنيا غرقانه شر

عجبي !!

(جوه المحيط)

سمعت نقطة ميه جوه المحيط

بتقول لنقطه ما تنزليش في الغويط.

أخاف عليكي م الغرق .. قلـت أنا

ده اللي يخاف م الوعد يبقي عبيط.

عجبي !

(على اسم مصر)

على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلقيني جنبها في الكرب

والنبض ينفض عروقي بألف نغمة وضرب

على اسم مصر.

(عناوين جرانين المستقبل)

احـنا العـمال اللى انقـتلوا

قـدام المصنع فى ابو زعبل

بنـغـنى للدنـيـا ونـتـلو

عناوين جرانـين المستـقبل:

(وحـدة صـف الأحـرار)

(جـبـهـة لكـل الثـوار)

(عـبور الجـيـش لسـينا)

(الـزحف مـن الأغـوار)

(جـيش العـدوان يتقـهقر)

(الأرض قــايـدة نــار)

(والبـحر قـايـد نــار)

(الاستـعمار أثـبت فشـله)

(البـيت الأبيض لا يخجل)

(إحـنا العـمال اللى انقتلوا)

(قدام المصنع فى أبو زعبل)

بـنـغـنى للدنـيا ونتـلـو

عنـاوين جرانـين المستقبل:

(محـكـمة للـمـجرمـين)

(قائــمة بالمـتـهـمـين)

(إدانـة مسـتر نيـكسون)

(بقـتل الاسـطى ياسـين)

(القــاتل اسـتـعـمارى)

(القـتـلـى وطنــيـين)

(عـمــال مـدنـيـيـن)

(نـصارى ومسـلـمـين)

(مرتكبو المذبـحة يعتـقلوا)

(الحـكم عـى المتهم الأول)

احـنا العـمال اللـى انقتلوا

قـدام المصنع فى ابو زعبل

بـنـغـنى للدنـيا ونتـلـو.